العالم المجهول

العالـم المجهـول وش دخلـك فيـه
ردي ترى مانـي للأشـواق تمثـال
دامي بقايا إنسـان ليـه اشتريتيـه
ودامي طفل من علمك عشق الاطفال
لاتخجلينـي فـي كـلام المشـاريـه
ولاتقتلينـي بالمواعـظ والأمـثـال
انـا الجنـون بروعتـه وبمبـاديـه
يشقيـك دربٍ معانـدي كـل ماطـال
وانا الذي لـو عذبـك مـا فهمتيـه
عشت اغتراب الحب .. شاعر ورحال
قولي خيالـي ياخيالـي وأقـول إيـه
طبعي قبل لاأعرف طريقـك ولا زال
اما اهجري ليـل الغـرام ومساريـه
والا اقبليني مثل مانـي بهـا الحـال
قلبي عذاب مصارع الوقـت يكفيـه
وبعض الحكي من بيننا عيب ينقـال